Kelly Osbourne, ginakabig nga nadulaan siya sang suod nga abyan sa pagtaliwan sang iya amay nga si Ozzy

Ginakabig ni Kelly Osbourne nga daw nadulaan siya sang isa ka suod nga abyan pagkatapos sang pagtaliwan sang iya amay nga si Ozzy.

Sa iya social media account, ginpost pa niya ang mga liriko sang kanta sang Black Sabbath nga “Changes”.

Ang kanta una nga nagguwa sa ila album nga “Vol 4” sang 1972 kag ginrekord liwat sang iya amay sang 2003.

Madumduman nga nalakip ini sa reality TV show nga “The Osbournes” nga ginpasalida halin 2002 tubtob 2005.

Si Ozzy kilala bilang “Prince of Darkness” bilang lead vocalist sang Black Sabbath.

Ang singer nagtaliwan sang Martes sa edad nga 76.