Kerida nga nadakpan sa akto nga nagapakighilawas sa lalaki nga may asawa, ginreleased na sa karsel

ROXAS CITY – Ginreleased na sa karsel sang Ivisan Municipal Police Station ang 24-anyos nga kerida matapos nagtakup na ang reglementary period of detention.

Apang sa pihak nga nakaguha na sa karsel si alyas Inday, nagpasiguro si Alyas May, legal nga asawa ni Alyas Tibor nga desidido ini nga magpasaka sang panumbungon nga concubinage batuk sa bana kag kerida sini.

Matandaan nga nadakpan sa akto ni Alyas May ang duha nga nagapakighilawas sa ila mismo puluy-an sa banwa sang Ivisan.

Nag-angkon sang samad sa ulo kag abaga si Alyas Tibor matapos ginpukpok ini sang botelya ni Alyas May sang nagharang sa alagyan padulong sa ila nga hulot sa diin nahamtang si Alyas Inday.