Nagataas pa ang tension sa tunga sang Estados Unidos kag Iran matapos ginpalukpan sang US Forces ang Kharg Island, ang pinaka-importante nga oil export terminal sang Iran.
Ang isla nahamtang sa Persian Gulf nga nagakapot sang ginabanta 90% sang crude oil exports sang Iran, nga amo ang importante sa ekonomiya sang pungsod.
Suno kay Former US Army brigadier general Mark Kimmitt, pinaagi sa pagpalupok sa Kharg Island, ginatinguhaan sang Estados Unidos nga ma-pressure ang Iran agud mapabilin nga bukas ang shipping routes sa Strait of Hormuz, ang alagyan sang mga barko nga may dala nga langis.
Apang nagpaandam ang natungdan nga kun padayunon nga palukpon ang oil facilities sang Iran, mahimo nga magbalos man ini pinaagi sa pag-atake sang oil infrastructure sa Middle East nga makaapekto sa global oil supples.
Kun matabo pahayag niya, matimbuok ang presyo sang gatong sa bilog nga kalibutan.
Una na nga nagpahayag si Mohammad Baqer Qalibaf, speaker sang parliament sang Iran nga indi na sila magpugong pa kun atakehon sang US ang Iranian islands sa Persian Gulf.
