Nangin isa ka pamatuod sang kabakod kag inspirasyon si Ms. Khaz-JP Padilla, Summa Cum Laude sa kurso nga Bachelor of Science in Social Work sa Capiz State University- Pilar Satellite College.
Si Padilla, isa ka anak sang OFW kag manug-uga, kag sa baylo nga kabudlayan, napakita niya nga posible ang magmadinalag-on bisan pa sa mga limitasyon sa kabuhi.
Sa interview sang Bombo Radyo kay Khaz, ginpahayag nga una niya lang tuyo ang makakanta kag makapadayon sa eskwela, kag magkuha sang bisan ano nga kurso. Apang may isa ka tawo nga nagsiling sa iya nga suguran ang Social Work—kag dito niya nakita ang kahulugan sang serbisyo sa isigkatawo kag pagkilala sa iya kaugalingon bilang isa ka lider sa komunidad.
Dugang pa sini, kaangay indi sya makapati nga siya ang mangin Summa Cum Laude. Wala ini sa iya plano ukon handum, pero ginkilala niya ini nga oportunidad agud mangin representasyon sang mga kasubong niya sa rainbow community.
Nagpasalamat man siya sa Capiz State University sa pagiging ally kag sa pagbaton sa iya, bisan miyembro siya sang LGBTQIA+ community. Ginpadayon niya ang iya edukasyon sa tunga sang kabudlayan agud ipakita nga may madamo pa nga posibilidad para sa ila nga ginabudlayan man.
Para kay Khaz, ang titulo bilang Summa Cum Laude indi amo ang kabug-usan sang iya tagumpay kag nagapati siya nga ang pagpanikasog para sa pagkilala kag respeto sa tanan—padayon pa nga nagapakigbato.
