-- ADVERTISEMENT --
Arestado ang isa ka lalaki sa ginpatigayon nga drug buy-bust operation sa Barangay Binuntucan, Pontevedra, Capiz.
Ang arestado amo si alyas “Toto” 44-anyos, kag residente sang Barangay Tabuc Pontevedra, Capiz.
Sa interview sang Bombo Radyo kay Police Captain Mark Anthony M. Garcia, Officer-in-Charge sang Pontevedra Municipal Police Station, iya ginpahayag nga nakuha sa paghinakop sang arestado ang tatlo tanan ka plastic sang suspected shabu nga may standard drug price nga P20,400.
Suno kay Garcia, magluwas sa illegal nga droga imbolbado man sang arestado sa mga kinawatay.
Sa subong preso na ini sa Pontevedra Municipal Police Station kag magapangatubang sa kaso nga paglapas sa RA No. 9165 ukon Comprehensive Dangerous Drugs Act of 2002.
-- ADVERTISEMENT --
