Kilala nga si “Lupog”, nakit-an nga wala na sang kabuhi

ROXAS CITY – Wala na sang kabuhi sang makit-an ang lalaki nga masami makit-an yara sa Roxas Avenue nga nakasakay sa iya wheel chair.

Ginkilala ang napatay kay David Arcaño, 55-anyos kag residente sang Camansi Lonoy, Sapian Capiz.

Base sa panaysayon ni Levi Arcaño apo sang napatay, ginpahayag sini nga nagasakay sa mga salakyan ang iya himata padulong sa syudad sang Roxas.

Suno kay Levi nga anay nga nagagamit sang illegal nga droga ang iya himata kag ginpahayag sini nga indi man ini sadto anay nga lupog.

Mahibaluan nga masami makit-an ang napatay nga nagatinir sa guha sang mga establisyemento sa Roxas Avenue.

Sa karun yara na ang bangkay sang napatay sa isa ka punerarya.