Nagtaliwan na ang Grammy-winning soul singer nga si Roberta Flack sa edad nga 88-anyos.
Ginpahayag sang iya nga publicist nga si Elaine Schock nga naglala ang iya nga mga sakit nga amyotrophic lateral sclerosis ukon ALS.
May ara ini nga 14 Grammy nominations kag nagdaog sang lima ka award.
Nag-angkon man ini sang lifetime achievement awards sadtong 2020 kag Record of the Year.
Ginbun-ag sa Black Mountain, North Carolina kag nagdaku sa Arlington, Virginia kun sa diin sa edad nga 9-anyos nagtuon ini sang classical music training kag nagtuon man sang piano.
Ang una nga kanta sini amu ang “First Take” nga ginsundan sang iya bersyon nga “The First Time Ever I Saw Your Face” nga gingamit sa pelikula ni Clint Eastwood kag ang kanta ang nagpabilin sang anom ka semana sa Billboard Hot 100 kag nagdaog man sang Record of the Year sa 1973 Grammy Awards.
Tuig 1973 sang ginpaguwa sini ang record nga “Killing Me Softly” kun sa nagpabilin ini sang lima ka semana sa Billboard Chart.
Ang nasambit nga kanta nagdaog sang duha ka Grammy sadtong 1974 bilang Record of the Year kag Best Pop Vocal Peformance by female artist.
May mga kanta man ini nga nagatalakay sa civil rights, equal rights, poverty, hunger kag kabudlay sa sosyudad.
