MANILA, Philippines – Nakuha ni Kim Atienza ang certificate bilang mental wellness facilitator matapos mag-attend sang Mental Health First Aid Workshop.
Suno sa iya Instagram Stories sang Biyernes, Abril 24, nagpartisipar si Atienza sa workshop nga ginpatigayon sang DMR Psychological Services sa Quezon City.
Sa certificate nga ginpakita sa iya post, nakasaad nga natapos niya ang 8-hour training kag kwalipikado na siya nga maghatag sang basic mental health support sa mga tawo nga nagaagi sang psychological distress.
Wala sang caption nga ginbutang si Atienza sa iya post, apang makita siya nga nagapose upod sang iya certificate.
Ang balita nag-abot matapos nga nagpakita siya sang suporta sa pila ka netizens nga nagaagi sang personal nga problema, lakip na ang pag-offer nga bayaran ang consultation fee sang isa ka psychiatrist para sa isa ka netizen.
Si Atienza, nga kilala sa telebisyon, padayon man nga nagapromote sang mental health awareness paagi sa iya social media initiative nga “The Emman Effect,” nga nagahatag diin sa mga buhat sang kaluoy kag pagbulig sa iban.
Matandaan nga ang iya anak nga si Emman Atienza naglisan sang kalibutan sang Oktubre matapos maglaban sa anxiety kag depression. Suno sa iya, ini nga panghitabo naghatag sa iya sang mas daku nga kahulugan sa pagbulig sa kabataan nga nagaagi sang pareho nga mga pagsubok sa mental health.
