Nagpaguwa na sang pahayag ang aktres nga si Kim Chiu matapos nadakpan ang iya utod nga si Lakam Chiu.
Suno kay Kim apektado pa ini kag indi na ini maghambal pa bangud yara na sa legal nga proseso ang tanan.
Dugang pa sini nga nasakitan siya bangud sang mga negatibo nga komento gikan sa iya desisyon nga magpasaka sang kaso batuk sa kaugalingon nga utod.
Nagapaathag nga indi ini parte sa iya kaugalingon nga kuwarta kundi parte sa iya kompanya nga Little Bunny Philippines, Inc. nga iya gin-promote gikan sa iya pila ka tuig sa showbiz.
Ginpaguwa sang aktres ang pahayag matapos ang iya pagtambong sa arraignment sa pagbasa sang indictment sang iya utod sa Quezon City Hall of Justice.
Matandaan nga nadakpan si Lakam sa kaso nga 124 counts of qualified theft bangud sa nadula nga pondo sang kompanya sang aktres.
