ROXAS CITY – Igadistribute na buwas nga adlaw sa pito ka mga ospital sa syudad sang Roxas kag probinsiya sang Capiz ang 290 ka karton sang magkatuhay nga mga Personal Protective Equipment (PPE’s) nga gikan sa DOH-national office.
Ginpahayag ni Mr.Joeffrey Espiritu, development officer IV kag information officer sang Department of Health (DOH)-Capiz nga nagaunod ang nasambit nga karton sang magkatuhay nga mga PPE’s kasubong sang surgical mask, N95 mask, surgical gown, medical shoe cover, medical overcoat, surgical goggles, head cover kag iban pa.
Kalakip sa magabaton sang mga PPE’s ang mga pampubliko nga ospital kasubong sang Roxas Memorial Provincial Hospital, Mambusao District Hospital kag Bailan District Hospital, samtang makabaton man ang apat ka pribado nga ospital sa syudad sang Roxas.
Apang wala malakip sa mahatagan sang mga PPE’s ang Tapaz District Hospital kag Senator Gerardo Roxas District Hospital sa banwa sang Dao.
