May yara na sang ginasundan nga mga person of interest ang Punong Barangay matapos ang liwat nga pagluntad sang kinawatay sang pila ka mga puloy-an sa Barangay Dinginan Roxas City.
Base sa panaysayon ni Punong Barangay Iluminado Corros sang Barangay Dinginan, suno diri daku ang posibilidad nga ang mga suspek sa kaangay nga insidente sa lugar ang may kahimuan sang kinawatay sang wallet kag cellphone sa ila barangay.
Suno pa diri nga may nakakita sa ginapahayag tatlo ka mga kawatan nga nagamanman sa Sitio Sentro malapit sa eskwelahan nga sakay sang motorsiklo kun sa diin isa diri ang ginabulobanta 7 ka tuig nga bata.
Kun matandaan, ginsulod ang isa ka puloy-an sa Sitio Cabadiangan kun sa diin natigayon nga makuha ang P10,000 kag isa ka cellphone.
Samtang, napasiguro naman ni punong barangay nga mas pasangkaron pa nila ang pagbantay kag paglibot sa pila ka mga sitio sa Barangay Dinginan.
