Malapit na makuha sang New York Knicks ang tiket sa Eastern Conference Finals matapos ang ila nga impresibo nga kadalag-an batok sa Boston Celtics.
Sa likod sang mabaskog nga performance ni Jalen Brunson, nga nagrehistro sang 39 puntos, 5 rebounds, kag 12 assists, pinpamunuan niya ang opensa sang Knicks.
Kaupod niya sanday Karl-Anthony Towns (23 puntos, 11 rebounds), Mikal Bridges (23 puntos, 7 rebounds), kag OG Anunoby (20 puntos, 3 rebounds) nga nagbuligay sa pagsiguro nga mapabilin ang kontrol sa hampang.
Sa pihak sang mabaskog nga hampang sang Boston Celtics, kun sa diin si Jayson Tatum nagpakitang-gilas sang 42 puntos, indi ini nangin bastante agud mapunggan ang Knicks.
Apisar nga mas madamu sang three-pointers ang napasulod sang Boston (18/48 kumpara sa 12/34 sang Knicks), nabudlayan sila nga makig-dungan sa rebounding battle, kun sa diin naglabaw ang Knicks (43 rebounds batuk sa 31 sang Boston).
