Nagdaug ang New York Knicks bilang kampyon sang 2026 NBA matapos nila mapirde ang San Antonio Spurs sa Game 5 sang NBA Finals, 94-90, kag maselyuhan ang serye sa 4-1. Ini ang una nga kampeonato sang Knicks matapos ang kapin lima ka dekada ukon halin pa sang 1973.
Nangin bida sa kadalag-an si Jalen Brunson nga nagpasaka sang 45 puntos sa pinakaimportante nga duwa, nga nagbulig agud makuha sang New York ang kampeonato. Bangud sang iya impresibo nga performance sa serye, ginhatagan man siya sang NBA Finals MVP award.
Bisan nagpakita sang mabaskog nga depensa kag kontribusyon si Victor Wembanyama para sa Spurs, wala ini nangin sapat agud mapunggan ang Knicks nga tapuson ang serye. Nagresulta ini sa masadya nga selebrasyon sang mga tagasuporta sang New York bangud sa ila una nga titulo sa NBA sa sulod sang 53 ka tuig
