Kampante si Kingdom of Jesus Christ legal counsel Atty Israelito Torreon nga matabo gihapon ang ginahinyo sini batuk sa extradition ni Apollo Quiboloy.
Matandan nga naghatag sang pila ka request ukon kondisyones ang kampo ni Quiboloy pila ka adlaw na ang nakaligad kabaylo sang pagsurrender sini.
Isa sa pinaka-importante nga ginahinyo sang kampo amo ang indi magka-extraordinary rendition sang extradition para kay Quiboloy, buot silingon indi mangin government – government ang pag-istorya para sa extradition sang pastor. Sa ini nga pamaagi, posible suno diri nga atubangon sang legal team sang pastor ang extradition process.
Matandaan man nga nagpaguha si Quiboloy sang wala nga opisyal ukon pormal nga sabat ni PBBM sa nangin request sang kampo.
Apang suno kay Atty Torreon, bag-o pa man ang pag-surrendeer sang pastor, may isa ka indibidwal nga may mataas nga pwesto sa gobyerno nga nagpirma sa request ni Quiboloy.
Samtang, ginpili ni Torreon nga indi na ini paghingadlan ukon idetalye man lang ang posisyon ukon relasyon sini sa presidente.
