MANILA, Philippines – Ginsentensyahan sang apat ka bulan nga pagkapriso ang isa ka rally leader sang Kingdom of Jesus Christ “KOJC”, matapos ang pagbutang sang blockade sa dalan sa Davao City agud maalangan ang Philippine National Police sa pagdakop sakay Apollo Quiboloy sang Agosto 2024.
Ginkilala ang akusado nga si Eduardo Corda nga ginpahayag guilty ni Judge Juvenal Bella sang Quezon City Metropolitan Trial Court Branch 39 bangod sa paglapas sa Public Assembly Act of 1985.
Sa desisyon sang korte nga gin-isyu sang Abril 26, sang anay Philippine National Police chief kag sa subong Metropolitan Manila Development Authority general manager Nicolas Torre, iya ginpakigbahin nga dapat sundon sang kadam-an.
Nagsugod ang kaso bangod sa 16 ka adlaw nga standoff sa KOJC compound nga nagresulta sa pagdakop kay Quiboloy, nga naga-atubang sang mga kaso pareho sang sexual abuse kag qualified human trafficking.
Ginpahayag sang korte nga gin-okupar sang mga miyembro sang KOJC ang bahin sang Philippine-Japan Friendship Highway, kun sa diin ginbutangan nila sang mga salakyan kag mabug-at nga kagamitan agud harangan ang dalan kag mapunggan ang pulis sa pagsulod sa compound.
Bisan may permit ang grupo para sa isa ka “Prayer Rally,” ginpunto sang korte nga limitado lamang ini sa sulod sang compound kag indi mahimo nga gamiton bilang rason sa pag-akupar sang iban nga pampubliko nga lugar.
Nahibaluan man nga lima sa mga pulis ang nagreklamo batok kay Corda, apang iya ginpanginwala nga siya may tinutuyo nga magpanguna sa pagharang sa pagdakop kay Quiboloy, iya depensa nga ang katawhay ang iya ginapatuman kag indi ang iligal nga aktibidad.
