Komedyante nga si Ate Gay, nagapakigbato bangud sa ginasupreher nga stage 4 cancer

Gin-anunsyo sang komedyante nga si Ate Gay nga may yara ini sang stage 4 cancer sa diin temporaryo ini nga nag-untat sa pag-perform samtang nagapangamuyo sang milagro kag kusog agud malampuwasan ang iya balatian.

Suno kay Ate Gay, nagsugod ini sa daw simple lang nga paghubag sang iya guya.

Sang iya una nga ultrasound kag CT scan  indi cancerous ang findings sang iya nga balatian.

Apang bangud sa dalayon nga pagtubo kag pagdugo sang tumor, nagdesisyon siya nga magkuha sang second opinion , kag nakumpirma nga cancer  kag yara na sa stage 4.

Tuman naman ang kasubo niya bangud wala na ini sang bulong pa.

Sa pihak sang pagtilaw, nagapangayo sa gihapon si Ate Gay sa Dyos sang milagro kag sa bug-os niya nga mga tagasuporta sang pagpangamuyo.