Komedyante nga si Ate Gay, nagapangatubang sang panibag-o nga kondisyon sa iya lawas samtang padayon nga ginapakigbatuan ang stage 4 cancer

Ginpakigbahin sang komedyante nga si Ate Gay nga nagapangatubang siya sang panibag-o nga kondisyon sa ikaayong lawas matapos natukiban sang iya doktor ang bukol sa iya liog.

Suno kay Ate Gay, gilayon siya nga ginpaidalom sa medical attention samtang padayon nga nagapakigbato sa stage 4 mucoepidermoid carcinoma, isa ka sahi sang kanser.

Nagpaidalom man siya sa CyberKnife treatment, isa ka non-invasive nga pamaagi nga ginagamit sa pagbulong sang cancerous kag non-cancerous tumor.

Sa pihak sini, ginpasalig ni Ate Gay ang iya mga supporters nga indi ini makaupang sa iya sa pagpadayon sang iya propesyon kag pagdala sang kalipay sa iya mga fans.