Komedyante nga si Ate Gay, nagpatigayon sang “living funeral” agud mahibaluan ang mensahe sang pagpalangga halin sa iya mga abyan

Nagpatigayon sang “living funeral” ang komedyante nga si Ate Gay.

Nagtipon ang mga abyan sa Forest Lake Memorial Park sa Laguna kag nagbulosbulos sa paghatag sang ila mga mensahe.

Gin-athag sang komedyante nga luyag niya nga mabatian ining mga ekspresyon sang pagpalangga gikan sa iya mga abyan samtang buhi pa siya.

Dugang pa ni Ate Gay, indi na niya mabatian ukon mahibaluan ang mga mensahe kon magtaliwan na ini.

Matandaan nga sang Septyembre 2025, ginbuyagyag sang komedyante nga nadiagnos siya nga may Stage 4 nga canser partikular na ang mucoepidermoid carcinoma.