ROXAS CITY – Ginklaro ni City Councilor Midelo Ocampo nga wala sini gina-discriminate ukon ginapakanubo ang mga badjao, apang sa iya nakita nga nagakahinabo sa karon, kasubong nga ginahimo nga palangabuy-anan sang mga badjao ang ila pagpangayo kayo ukon pagpakalimos.
Suno sa opisyal may programa ang gobyerno sang syudad kag handa magbulig sa mga pigado nga mga pumuluyo.
Apang sa kasubong sang iban nga mga badjao nga daku pa ang lawas kag may ikasarang pa nga magtrabaho para mabuhi ang ila pamilya, indi nila kinahanglan nga magpakalimos kag magpangakig kun indi paghatagan.
Gintuad pa ni Konsehal Ocampo nga indi man maayo nga ehemplo ang ginapakita sang mga badjao sa mga pamatan-on bangud indi imposible nga sundon man sila sang mga kabataan nga magpangayo kayo.
Samtang bilang pauna nga tikang sa ginaduso nga ordinansa, plano ni Councilor Ocampo nga makigkita sa grupo sang mga badjao kag estoryahon sila, agud mahibaluan kun ano ang ila katuyuan sa pagpadulong sa syudad sang Roxas
