ROXAS CITY – Magapatigayon sang symposium ang pamunuan sang Barangay 5, sining syudad sa Lunes nga adlaw Hulyo 22, 2019, agud makahatag awareness sa serye na sang mga suicide incidents nga nagakahinabo sa syudad sang Roxas kag probinsiya sang Capiz.
Suno kay Punong Barangay Lorilee Aguiree, nagdesisyon ini nga magpatigayon sang symposium bangud makaalarma na ang asud asod nga insedente sang suicide.
Mangin resource speakers sa amo nga symposium sanday Dr. Webster Bedecir sang Filamer Christian University kag Pastor Russel Monton Ban sa diin mangin topiko ang natuhoy sa suicide.
Nagpanugyan man ini sa mga indibidwal nga nagasuprer sang depresyon nga isa sa mga ginatudlo motibo sang nagakomiter sang suicide nga dapat makahibalo kita nga i-appreciate ang kabuhi kag ipahamtang sa pinsar nga tanan nga problema ang may solusyon.
Nagpahanumdum man ini sa tanan nga indi magkalipat sa pagpangamuyo sa makaako.
Gina-imbitahan man sini ang mga pumuluyo sa Barangay 5, nga magtambong sa patigayunon nga symposium sa Lunes nga adlaw, sa Multipurpose hall sang Barangay 5, agud ila pa gid maintiendihan ang matood nga kahulugan sang kabuhi.
