Gin-athag sang isa ka Former Legislative Consultant,nga ang impeachment complaint batok sa duha ka pinaka mataas nga leader sa Pilipinas ang kinahanglan nga may mabaskog nga impeachable offense.
Sa interview sang Bombo Radyo kay Atty. Joenar Pueblo, President, Philippine Arbitration Center in the Visayas, iya ginpahayag nga pag bayolar sa constitution kag betrayal of public trust matawag nga impeachable offenses kag mahapos na ipatuman kag klaro nga ebidensya.
Suno kay Atty. Pueblo, mahimo nga ma-endorso ang impeachment complaint sa House of Representatives kag paga-desisyonan sang Senado.
Dugang pa niya nga isa ini ka “political exercise” kag indi “judicial exercise,” bangud wala ginaprotektahan ang tanan nga kinamatarong kag wala ginahingadlan ang legal dynamics.
Pahayag pa niya, ang interes kag lebel sang gobyerno amo ang nagapatuman sang political dynamics, nga amo man ang nagaathag kun ang isa ka impeachment complaint isa lamang ka himo-himo, pag pang-harass, ukon ginahimo tungod sa personal nga interes.
Nagpanugyan man sang natungdan nga ang impeachment complaint isa ka daku nga hadlang para indi na maka-run sa bisan ano nga posisyon, kag may daku ini nga epekto sa karera sang ginareklamohan.
