Konstruksyon sang two-storey multi-purpose hall sa Barangay Banica, Roxas City, yara na sa 50%

Yara na sa 50% ang nahuman nga konstruksyon sang two-storey multi-purpose hall sa Barangay Banica, Roxas City, nga may gin-alokar nga budget nga P7 million.

Sa interview sang Bombo Radyo kay Punong Barangay Mike Xander Agrasada, iya ginpahayag nga ang amo nga proyekto ginapatuman agud makabulig sa paghatag sang serbisyo publiko sa mga pumuluyo sang barangay.

Suno kay Agrasada, ang multi-purpose hall ang may yara sang duha ka panalgan kag ginalauman nga mangin lugar ini para sa mga aktibidad kag nagkalain-lain nga serbisyo para sa komunidad.

Dugang pa sang natungdan, padayon ang pag-monitor sa konstruksyon sang proyekto agud masiguro nga matapos ini kag magamit sang mga pumuluyo.