Gin-aresto sang National Bureau of Investigation (NBI) ang kontraktor nga si Sarah Discaya bangud sa corruption kag malversation sang pondo halin sa P96.5-million nga flood control project sa Davao Occidental.
Ginkuhaan ini sang fingerprint kag ginpaidalom sa medical examination matapos nga ginserbe sang NBI ang iya arrest warrant.
Pagadal-on si Discaya sa pasilidad sang NBI Jail sa syudad sang Muntinlupa.
Matandaan, una nga boluntaryo nga nagkadto si Discaya sa NBI bangud naglaum ini nga ma-issue ang arrest warrant sang nagligad nga semana, apang naghalin man ini sang Miyerkules kag sang Huwebes naguwa ang iya arrest warrant.
Nahibaluan, ginpasaka sang Office of the Ombudsman ang kaso sa Digos Regional Trial Court kag ginsaylo ini sa Lapu-Lapu Regional Trial Court.
