Ginpahayag ni NEDA Secretary Arsenio Balisacan nga indi manami nga imahe sa mata sang mga investors kag mangin sa reputasyon sang pungsod ang mga kontrobersiya nga ginakaulamiran sang POGO.
Sa press briefing sa Malakanyang, ginpahayag ni Balisacan nga mas dako ang social cost nga ginahalit sang POGO sa pungsod kesa sa kita nga ginahatag sini para sa ekonomiya.
Nanindugan si Balisacan nga nakatutok ang gobyerno sa paghimo sang dekalidad nga mga trabaho kag indi ang paghimo sang gambling jobs ukon indi manami nga sahi sang trabaho nagikan sa pogo ukon sa sugal.
Paghatag pagtamod naman ni Balisacan, nga nagatinguha na ang gobyerno kag mismo si Presidente Ferdinand Marcos Jr sa pag-engganyo sang mga mamuhunan ukon negosyo sa pungsod kag panamion pa ang kahimtangan sang turismo.
Dugang pa sang tiglikom nga indi manami ang mga nakita sang mga negosyante nga indi manami nga imahe sang pungsod bangud sa nagkalain-lain nga criminal activities nga ginahimo sang POGO.
Nagapati si Balisacan nga mas dako pa ang palaabuton ukon mas pa ang makuha nga kita sang pungsod kun mapalapad pa ang iban nga mga negosyo kesa ang kita nga nag-abot lamang sa POGO.
