ROXAS CITY – Dako ang pagpasalamat sang mga barangay officials sa kooperasyon sang mga residente angut sa pagpatuman sang checkpoint sa Barangay Barra, Roxas City.
Suno kay Kagawad Rodelyn Dizon may 16 ka mga Persons Under Monitoring ukon PUMs ang ginamonitor sang mga opisyal sang nasambit nga barangay.
Apang gin-athag sini nga wala sang close contact ang mga residente sa napatay nga positive case sang covid-19 disease nga taga barangay Dayao sining syudad.
Ginpabutyag sang kagawad nga strikto ang pagpatuman sang checkpoint para sa seguridad sang mga pumuluyo nga indi malatnan sang Covid-19 disease.
Suno kay Kagawad Dizon nga tanan nga nagaguha kag nagasulod sa barangay ang ginapangitaan sang quarantine pass kag hugot man ang pagpatuman sang curfew hour para sa mga katigulangan kag kabataan.
Samtang ginkumpirmar naman sang nasambit nga opisyal nga nakapanagtag na ang barangay sang household quarantine pass sa 780 ka mga households sang amo nga baranagay.
