Kooperasyon sang Sangguniang Panlalawigan ang ginahinyo sang gobernador sang probinsiya labi na karon nga may pandemya para sa maayo nga pagsinalayo sang ehekutibo kag lehislatibo.
Ini ang ginpahayag ni Capiz Governor Esteban Evan Contreras II sa nangin statement ni Vice Governor Jaime Magbanua nga tobtob sa karon wala pa napirmahan ang dokumento para marelease ang pondo sang mga talatapan sang provincial board sa pihak nga kumpleto ang ila dokumento.
Suno sa gobernador may request ini angut sa kinahanglanon sang ospital nga tobtob sa karon pending sa Sangguniang Panlalawigan nga wala gina-aksyunan.
Ginpahayag pa sang amay sang probinsiya nga handa sini nga pirmahan ang mga papeles nga ginapalab-ot sa iya talatapan, basta makita sini ang sinseridad kag kooperasyon nga ginahatag sa iya nga administrasyon.
Ginpasalig pa sang opisyal nga kun ano ang iya promesa, mapanindugan niya ini.
Pag-abot naman sa sweldo, nga ginsiling sang mga board members wala na maswelduhan ang ila mga staff bangud sa kapaslawan sang gobernador nga mapirmahan ang mga dokumento nga para sa budget sang ila talatapan, sarang ini nga mapunduhan sang gobernador.
