Korean national naaksidente sa ginamaneho nga van, poste sang streetlight kag mga kahoy, nabungguan

ROXAS CITY – Nagpalanakit ang lawas sang Korean national matapos nga nadisgrasya ang ginamaneho nga van sa mga kahoy sa Pueblo de Panay, Barangay Dinginan, Roxas City.

Ginkilala ang biktima nga si Guang Jielin sang Puerto Princesa, Palawan.

Nagaguwa sa imbestigasyon sang Roxas City Police Station nga ginasubay sang biktima sakay ang ginamaneho nga L-300 van ang dalan sang nadulaan ini sang kontrol kag diretso nga nabungguan ang poste sang streetlight kag nagdiretso sa puno sang narra kag puno sang kamagong.

Bangud sa insedente nagpalanakit ang lawas sang korean national.