Nadakpan sang Bureau of Immigration (BI) ang isa ka South Korean national sa Ninoy Aquino International Airport (NAIA) nga wanted sa economic crimes sa South Korea.
Ginkilala ang suspek nga si Ahn Youngyong, 54 anyos, ini sya ang ginpunggan sang mga katapo sang BI sa NAIA Terminal 1 nga magabyahe kun tani padulong sa Shanghai, China.
Suno sa BI, may yara nga arrest warrant ang suspek nagikan sa Seoul Court para sa “marketing disturbance”.
Nga kun sa diin, nagapakalat ini suno diri sang mga sala nga impormasyon batuk sa bulong sa immune anti-cancer, nga nagaapekto sa presyo kag baligyaanay sini sa Korea.
Sa karon, yara na sa paghinakop sang BI sa Taguig ang suspek nga kun sa diin temporaryo ini nga nakahunong kag nagahulat sa iya nga deportasyon.
