Nagpagwa sang mandu ang korte sa Pasig City nga isaylo ang ginpahalin nga si Bamban, Tarlac Mayor Alice Guo sa Correctional Institution for Women (CIW) sa Mandaluyong City matapos ang iya conviction sa qualified human trafficking.
Base sa apat ka pahina nga mando halin sa korte sa Pasig nga gin-address sa Corrections Superintendent sang CIW, ginatugyan nila sanday Alice Leal Guo, Rachelle Joan Malonzo Carreon, kag Jaimielyn Santos Cruz.
Madumduman nga si Guo ang ginsentensyahan sang Pasig Regional Trial Court Branch 167 matapos mapamatud-an nga guilty sang qualified human trafficking kag ginpamatbatan sang life imprisonment.
Nagpasaka naman sang motion ang kampo ni Guo nga kon mahimo magpabilin sa Pasig City Jail Female Dormitory apang ginbasura ini sang korte.
Ginpasalig ni Bureau of Corrections (BuCor) Director Gregorio Catapang ang seguridad kag si Guo ang ibutang sa regular nga dormitory sa Maximum Security Camp.
