Masadya ang Sparkle artist nga si Sandro Muhlach sa nangin desisyon sang Pasay Regional Trial Court 114 nga ibasura ang ginfile nga motion to quash nanday Jojo Nones kag Richard Cruz sa kaso nga sexual assault.
Suno kay Sandro, iya nga igapakigbato ang kaso tubtob sa ulihi anu man nga pagbaliktad ang ginahimo sang pihak nga bahin.
Pahayag naman sang amay sini nga si Niño Muhlach, tuman ang iya kasadya matapos nga sa una nga Korte na-dismiss ang acts of lasciviousness kabangdanan nga nadulaan ini sang paglaum.
Samtang, suno naman sa abogado nanday Jojo kag Richard nga si Atty. Maggie Abraham-Garduque, indi nangin bastante sa iya mga kliyente ang nangin desisyon sang Korte.
Matandaan nga nagsugod ang isyu ni Sandro matapos nga magpaguha sang blind item ang Philippine Entertainment Portal (PEP) may kaangtanan sa bag-o nga actor nga ginhimo suno diri nga “midnight snack” ang duha ka mga TV executives.
