Ginmandu sang Court of Appeals ang paghilway sa 81-anyos nga si Prudencio Calubid Jr., sa Manila City Jail matapos natukiban nga sala ini nga gindakop bilang lider sang New People’s Army (NPA) kag consultant sang National Democratic Front of the Philippines (NDFP).
Suno sa korte, ang iya pagkadakop bangud sa mistaken identity.
Nahibaluan nga si Calubid, isa ka construction worker gikan sa syudad sang Olongapo ang gindakop sang mga otoridad bangud sa paglibog sa iya pangalan kag identity, kag indi siya ang target sang mga kapulisan.
Ginpakalain sang CA ang Philippine National Police (PNP) bangud sa kakulang sang imbestigasyon kag paggamit sang unverified nga impormasyon gikan sa social media.
Ang mga grupo sang tawhanon nga kinamatarung pareho sang National Union of Peoples’ Lawyers (NUPL) hugot nga nagpakamalaut sa insidente, nga nagasiling nga makaalarma ini sa sistema sang pagpangita sang padya sang gobyerno, nga naga-engganyo sa mga awtoridad nga pangitaon ang mga suspetsado para sa mga padya sa baylo nga hustisya.
