Gin-aprubahan sang Korte Suprema ang pagsulundan sa paggamit sang Filipino Sign Language (FSL) sa tanan nga proceedings, bilang tikang agud masiguro ang patas nga pag-angkon sang hustisya para sa mga may kasablagan sa paghambal kag palamatin-an.
Suno sa kasuguan, ang mga accredited FSL interpreters ang mandatory kag qualified sa pagbulig sa mga akusado nga may hearing disabilities ukon sa mga nabudlayan maghambal subong man sa mga testigo nga may kaangay nga disabilities.
Kaangot sini, ginatugutan man ang on-site kag remote interpreting, nga ginaamligan sang kasuguan agud maprotektahan ang confidentiality, kag reliability ng interpretations.
Nahibaluan nga ang nasambit nga tikang kasunod sang nagaluntad nga Filipino Sign Language Act ukon Republic Act No.11106 kag pagsunod sa UN Convention on the Rights of Persons with Disabilities (UNCRPD).
Samtang, mangin epektibo ang pagsulundan sa tion nga mabalhag na ini sa Official Gazette ukon sa duha ka pamantalaan sang national circulation.
