Ginbasura sang Korte Suprema ang hingyo ni Sen.Ronald “Bato” Dela Rosa nga Temporary Restraining Order (TRO) agud punggan ang pagpatuman sang arrest warrant nga ginpagwa sang International Criminal Court (ICC) batuk sa iya.
Sa 9-5-1 nga boto, ginpamatud-an sang mga judges nga kulang ang mga rason agud gilayon nga ipatuman ang TRO.
Gin-athag sang Korte nga ang desisyon ang nagatumod lamang sa request para sa temporaryo nga proteksyon, kag indi pa sa mayor nga petisyon nga nagakwestyon sa validity sang ICC warrant sa pungsod.
Ginhatagan pagtamod ni Associate Justice Alfredo Benjamin Caguioa nga ang Korte indi dapat mangin “gilayon nga dalangpan sang mga gamhanan”, samtang ang hustisya nagapabilin nga promisa para sa mga biktima.
Matandaan nga ang ICC arrest warrant batuk kay Sen.Dela Rosa ang may kaangtanan sa mga kaso nga war on drugs sa idalom sang administrasyon ni former President Rodrigo Duterte.
Nahibaluan nga ang request sang senador para sa TRO nagatinguha nga mapunggan ang gilayon nga pag-execute sini samtang pending pa sa Korte Suprema ang iya petisyon.
