Ginmando sang supreme judge ukon korte suprema nga himuon nga electronic ang pagpasaka sang kaso sang annulment kag nullity of marriage
Sa public statement kag notice nga ginpaguwa sang Korte Suprema, ginasiling nga ang ini nga mga sahi sang kaso ang dapat isumiter kag i-file gamit ang electronic system.
Bangud base sa bag-o nga resolusyon sang Korte Suprema En Banc sa ginpasangkad nga Rule 13-A sang Rules of Civil Procedure, ginamando sini ang pagpatuman sang electronic filing sang mga kaso partikular na nahanungod sa annulment of marriage.
Bisan ang pagserbisyo sang mga pleadings, pag-file sang mga mosyon kag iban pa nga mga papeles nga may kaangtanan sa mga kaso sibil sang una kag ikaduha nga lebel nga mga korte elektroniko man.
Madumdumam nga antes ginpatuman ini nga pagbag-o, ang Rule 13-A wala nagalakip sang pinasahi nga mga paghusay pareho sang annulment kag nullity sang mga kaso sa kasal.
Kun sa diin ang Office of the Court Administrator nagrekomendar nga ang amo nga mga kaso ilakip bangud pareho ang ila mga pamaagi sa mga aksyon sibil.
Suno sa opisina sang tigpamaba sang Korte Suprema, ini nga inisyatibo kabahin sang ila mga tikang sa idalom sang Strategic Plan for Judicial Innovations 2022-2027.
