Ginahulat pa sang Senate Committee on Women, Children, Family Relations, and Gender Equality ang sabat sang Pasig kag Quezon City Regional Trial Court sa hinyo nga patambungon sa imbestigasyon si Kingdom of Jesus Christ (KOJC) founder Pastor Apollo Quiboloy.
Sa karon, wala pa sang sabat ang duha ka korte sa hinyo ni Senate Committee on Women Chairperson Risa Hontiveros nga paatubangon si Quiboloy sa hearing sa October 23 nahanungod sa mga reklamo sang pagpang-aabuso sa madamo nga mga kababainhan kag kabataan sang KOJC.
Nagalaum si Hontiveros nga indi magpasugot ang mga korte sa request sang kampo ni Quiboloy sa korte nga indi siya pagtugutan nga magtambong sa hearing sa Senado.
Pahayag pa ni Hontiveros, ang Senado ang una nga nag-file sang arrest order batuk sa Pastor agud mapilitan ini nga magpakita sa imbestigasyon.
Wala naman suno diri sang rason pa si Quiboloy nga indi mag-atubang sa pagsiyasat sang mataas nga panalgan ilabi na nga uyat siya sang mga otoridad.
