Krimen sa mga kabataan sa Gaza, nagtaas sang 155 percent – UN

Ginsiling sang United Nations nga nagtaas ang krimen sang mga kabataan sa Israel kag Palestine.

Suno kay Virginia Gamba, special representative of the secretary-general of the United Nations for children and armed conflict, yara sa 155 percent ang mga nagalapas sa kinamatarong sang mga kabataan sa lugar.

Mahibaluan nga sang nagsugod ang kinagamo, linibo nga mga kabataan ang ginbawian sang kabuhi sa Palestine.

Matandaan sadtong tinalikdan nga semana, ginbutang sang US ang Israel sa ‘blacklist’ nga mga pungsod nga naga-abuso sa mga kabataan samtang natabo ang giyera.