Kriminalidad nagnubo kasunod sang ginpatuman ang curfew hours sa probinsya sang Capiz

ROXAS CITY – Nagnubo ang napagkit nga kriminalidad kasunod sang ginpatuman ang curfew hours sa probinsya sang Capiz.

Sandig sa ginpaguwa nga crime statistics  sang Capiz Police Provincial Office ukon CPPO humalin sang Marso 20 tubtob Abril 10, 2020, napulo gid lamang ka mga peace and order index crime ang nabalhag sa bilog nga probinsya.

Apat ang nabalhag nga Physical Injuries, duha ang Murder kag Robbery ukon pagpangawat kag isa naman ang Homicide kag Carnapping.

Ginpabutyag naman sang mga kapulisan nga dako ang nabulig sang ginpatuman ang curfew hours sa pagtapna sang kriminalidad sa probinsya.