KTV bar, ginpasarado samtang 4 computer shops ginpapanaugan sang notice of violation sa Jamindan

ROXAS CITY – Ginpapanaugan sang notice of closure ang isa ka KTV bar sa banwa sang Jamindan, Capiz.

Mahibaluan nga ang mandu nga pagpasara sa amo nga balay-kalingawan ang gikan sa lokal nga gobyerno sang banwa nga gin-asestiran sang mga katapo sang Jamindan Municipal Police Station.

Ang nasambit nga KTV bar ang natukiban nga ilegal ang operasyon bangud wala ini sang nagakaigo nga permit.

Magabayad ang tag-iya sang amo nga KTV bar sang penalidad nga nagabalor P2, 500.

Samtang, apat man ka mga computer shops ang ginpapanaugan sang notice of violation bangud nagapasulod ini sang menor-de-edad nga mga kustomers ilabi na kun adlaw.

Mahibaluan nga hugot man ini nga ginadumilian bangud apektado sini ang klase sang mga kabataan.