Posible nga may pagbag-o sa pamunuan sang Senado subong nga Lunes matapos nga ginbuyagyag ni Senate President Alan Peter Cayetano nga may mga ginaalegar nagahulag agud mapahalin siya bilang Senate President.
Sa isa ka press conference, ginpahayag ni Cayetano nga may gina-alegar nga “kudeta” batok sa iya liderato kag gina-engganyo ang pila ka mga senador nga mag-upod sa minorya nga ginapangunahan ni former Senate Vicente Sotto III.
Suno kay Cayetano, may yara man sang ginaalegar pagpamahog sa pila ka mga senador agud magsaylo kag suportahan ang oposisyon sa senado.
Posible man nga mabuhinan ang numero sang iya supporters bangud ginalauman nga indi makatambong sa session si Senador Ronald Bato dela Rosa rason nga maganubo sa 12 ang boto para sa iya.
Matandaan nga 13 ka mga senador ang nagboto kay Cayetano samtang siyam naman ang nagsuporta kay Sotto, kag kun magdampig sa minorya sanday Sen. JV Ejercito kag Sen. Juan Miguel Zubiri nga nag-abstain, mahimo nga maporma ang bag-o nga “Magic 13” para sa pagbag-o sang liderato.
Nagpasalig man ang senate president nga subong nga adlaw maga-convene ang Senado bilang impeachment court.
