-- ADVERTISEMENT --
ROXAS CITY – Plano nga imbestigahan sang Kamara ang kumpaniya nga EMT Trading nga responsable sa pag-import sang P6.4-B nga balor sang shabu matapos nabuyagyag ang operasyon sa Bureau of Customs.
Suno kay Capiz 2nd District Congressman kag House Deputy Speaker Fredinil Castro, dapat mahibaluan kun sin-o ang nagaserbe nga protektor sang nasambit nga kumpaniya sa BoC para indi ini mapamarisan.
Apang mabaskog ang pagpati ni Castro nga may kapabayaan si Bureau of Customs Commissioner Nicanor Faeldon, bangud indi ini mahinabo kun wala ginapabayaan ni Faeldon ang iya nga trabaho.
Ginpasiguro man sang kongresista nga himoon sini ang tanan agud magguwa kun sin-o ang nagahatag sang proteksyon sa nasambit nga kumpaniya.
