ROXAS CITY – Kung maayo ang imu performance wala sang may makontra sa imu, pero kung malain ang imu performance ekspektaron mu nga may makontra sa imu.
Ini ang nangin pahayag ni Mayor Roberto Palomar sang banwa sang Tapaz sang mainterview sang Bombo Radyo.
Ini matapos ang pila ka mga isyu nga nagaguha nga may yara sang pila ka mga alkalde nga nagapasilabot sa mga magapadalagan sa pagiging Punong Barangay.
Suno kay Palomar, indi na ini bag-o sa tanan bangud kadam-an ginahimo na nga isa ka negosyo ang politika.
Ang importante suno diri kun anu ang mga maayo nga mahimo sang isa ka magapadalagan sa iya pumuluyo kag sarang sini matindugan ang responsibilidad pila na diri ang paghatag sang bulig sa mga nagakinahanglan.
Madamo man suno diri sang mga nagapalapit sa iya nga magapadalagan agud magpangayo sang bulig sa iya apang, panugyan sini nga maghimo lamang sang maayo kag indi paggamiton ang posisyon bangud temporaryo lamang ini.
