Nakakuha sang nagkalain-lain nga reaksyon sa social media ang isa ka uti ukon kuring sa Istanbul, Turkey matapos makuhaan sang video samtang nagapungko sa tupad sang mga turista nga nagakaon.
Suno sa video, daw na-disappoint ang uti matapos padayon nga nagkaon ang mga turista samtang wala ini ginhatagan sang parte sang ila pagkaon.
Makita sa video nga daw nagahulat ang uti nga hatagan man sang pagkaon, apang naglain ang iya ekspresyon matapos nga wala ini ginasapak.
Nahibalaun nga bantog ang Istanbul sa madamo nga street cats nga ginakabig sang mga residente bilang kabahin sang komunidad kag masami nga ginahatagan sang pagkaon kag ginatatap.
Bangud sa iya nga reaksyon, madamo nga netizens ang nakarelate kag nagkomento nga daw kaangay “gintraydor” ang uti, gani nangin bag-o ini nga kalingawan online.
