Isa ka kuring sa Eastern China ang milagruso nga nakalampuwas matapos ini aksidente nga na-trap sa sulod sang naga-andar nga washing machine sa sulod sang napulo ka minutos.
Ang kuring nga ginhingalanan kay Jintiao ang nadiskubrehan lamang sang iya tag-iya sa sulod sang drum pagkatapos sang cycle.
Suno sa report, minor injuries lang ang naangkon sang kuring.
Sa isa ka follow-up video makaligad ang duha ka adlaw, makita nga nagabalik ang kusog ni Jintiao kag daw wala lang sang may natabo.
Apang nakakuha ini sang mabug-at nga kritisismo gikan sa mga netizens kag madamo ang naakig kag nag-akusar sa iya sang kapabayaan.
Nagpaandam naman ang veterinary experts sa mga tag-iya sang sapat nga tan-awon pirme ang sulod sang mga kasangkapan pareho sang washing machine kag dryer antes ini paandaron.
