Plano sa karon ni Dallas Mavericks guard Kyrie Irving nga irepresenta ang Australia kun sa diin ini nabun-ag sa mga international competition.
Ang nine-time NBA All-Star nag-angkon sang gold medal sa Team USA sadtong 2016 Olympics sa Rio de Janeiro.
Mahibaluan nga may dual citizenship ini nga isa ka American kag Australian.
Ginbun-ag si Kyrie sa Melbourne sadtong 1992 samtang ang amay sini nga si Drederick ang naghampang sa Bulleen Bullets sa South East Australian Basketball League.
May pila ka pagpanghangkat sa karon nga pagaatubangon si Irving bangud base sa FIBA ruling dapat ang isa ka player ang wala pa naka-represent sang isa ka pungsod sa mga international competition.
Sadtong tinalikdan nga tuig napaslawan si Klay Thompson nga maghampang sa Bahamas kun sa diin ginbun-ag ang amay bangud sa ruling sang FIBA.
