Naglapaw na sa critical level ang lebel sang tubig sa La Mesa Dam sa Quezon City.
Base sa 11AM status sang dam, ang lebel sang tubig sini naglab-ot na sa 79.60 metros – napulo ka sentimetro nga mas mataas sang sa critical level nga 79.50 metros.
Sa tion nga maglab-ot na sa 80.15 metros ang lebel sang tubig sang dam, ini ang automatic nga magabuga sang tubig.
Sa subong, padayon ang pag-ulan sa La Mesa Watershed Reservation nga naga-apekto sa padayon nga pagsaka sang lebel sang dam.
Kun tuman nga mag-awas ang lebel sang tubig, ginalauman nga maapektuhan sini ang mga manubo nga komunidad sa higad sang Tullahan River halin sa Quezon City (Fairview, Forest Hills Subd., Quirino Highway, Sta. Quiteria, San Bartolome), Valenzuela (North Expressway, La Huerta Subd.) kag Malabon.
Ginapanugyanan ang mga residente nga nagapuyo sa nasambit nga mga lugar nga bantayan ang posible pagsaka sang tubig kag magpatigayon sang temprano nga evacuation kon kinahanglanon.
