-- ADVERTISEMENT --
Ginhatagan lamang sang warning sang University Athletic Association of the Philippines (UAAP) kag wala sang penalidad sanday De La Salle University (DLSU) head coach Michael Christopher “Topex” Robinson kag University of the Philippines (UP) student-athlete Reyland Torres, may kaangtanan sa mainit nga hampang sang duha ka hubon sang ginpatigayon nga 87th UAAP men’s basketball eliminations.
Sa ginpaguha nga UAAP statement sa insidente sa tunga sang DLSU kag UP, lunsay ginhatagan lamang sang ‘stern warning’ sanday Robinson kag Torres.
Matandaan nga may natabo kun tani nga kinagamo sa katapusan nga hampang sa una pa lamang nga round sang liga, matapos ginreklamo ang ginapahayag nga pagpangdupla ni Robinson sa player nga si Torres.
