Gin-aprubahan ni President Ferdinand Marcos Jr. ang promosyon bilang Commodore ni Christine Pauline Bergano-Diciano, ang labing-una nga lady pilot sang Philippine Coast Guard (PCG).
Si Bergano-Diciano nga tumandok sang Bacolod City kag miyembro sang Coast Guard Officer Course “A’ Matatag Class 02-2011 ang kabahin sa una nga batch sang homegrown PCG female officers kag nangin una nga babaye nga piloto sang PCG sadtong 2005 kag ginpadayaon ang inaugural flight mission sadtong 2006.
Suno sa PCG, si Bergano-Diciano ang nagserbe man nga Coast Guard Aviation Force Commander sadtong 2022 kag una subong man nagaisahanon nga babaye nga PCG air station commander sa idalom sang West Philippine Sea Oplan Matatag sadtong 2010.
Ginduso ni Bergaño-Diciano sadtong 2022 ang paglakip sang “hijab” sa uniporme sang mga babaye nga Muslim nga personnel sa Gender and Development unit sang PCG.
Siya man ang nangi acting superintendent sang Coast Guard School for Special Maritime Affairs kun sa diin ginsuportahan niya ang women empowermentat gender inclusivity.
Ginpasidunggan si Bergaño-Diciano bilang una nga Asian Vice President sang Women Association sang World Maritime University sa Sweden sadtong 2014.
Ang pinakaulihi nga achievement sini amo ang pagbaton sang “Pilak” Award para sa Natatanging Juana ng Tanod Baybayin ng Pilipinas sa pagselebrar sang National Women’s Month 2025 sa PCG.
