Ginpakigbahin ni COMELEC Chairperson George Erwin Garcia nga generally peaceful ang labing-una nga BARMM Parliamentary Elections sa pihak sang mga insidente sang kalakasan sa pila ka mga polling precincts sa Cotabato City.
Suno kay Garcia, may mga insidente nga nagluntad, apang wala sini natabunan ang pangkabilugan nga malinong nga dalagan sang eleksyon.
Hugot man nga ginpakamalaut sang COMELEC ang mga insidente nga nagresulta sa kamatayon sang apat ka tawo kag pagkapilas sang 15 ka iban pa.
Pahayag pa ni Garcia, wala sang may naluyag sa amo nga mga hitabo, ilabi pa nga katuyuan sang eleksyon nga mahatagan sang kahigayunan ang mga Bangsamoro nga makaboto sang hilway.
Sa pihak sini, ginkalipay ni Garcia ang padayon nga pagdagsa sang mga botante sa mga polling centers kag ang padayon nga pagboto matapos ang mga insidente nga nagluntad.
