Hugot nga ginpamalabagan sang Labor rights advocates nga si Neri Colmenares ang pagsaka sang kontribusyon sa Social Security System (SSS).
Suno sa anay mamalidha indi makatarungan nga pas-anon sang mga empleyado nga nabudlayan na sa nagataas nga presyo sa mga nagapanguna nga balaklon ang nasambit nga contribution hike.
Suno kay Colminares, ang mga trabahante nagapangatubang sa mas mataas nga sukot sang tubig kag kuryente, kabangdanan nga magresulta pa ang contribution hike sang mabug-at nga palas-anon sang kada empleyado.
Ginhatagan man sini sang pagtamud ang padayon nga isyu nga indi pa dalayon pag-release sang P1,000 nga dugang-pensyon sang SSS kag ginpamangkot kung ngaman magapatuman sang mas mataas nga kontribusyon ang ahensya apisar nga wala pa natuman ang nasambit nga promisa.
Gin-akusahan man sini ang ahensya nga ginauna pa ang mga pangpersonal nga interes kaysa sa sitwasyon sang mga miyembro sini nga sila ang nagahatag sang pondo sa ahensya.
Bangud sini, ginganyat naman ni Colminares ang SSS nga pamatud-an kung epektibo sila nga mangolekta sang kontribusyon, rason nga ginsuhestyon niya ang mga bag-o nga rate tubtob mapamatud-an sang ahensya kung ginpakamaayo sini ang sistema sang ila koleksyon.
