MANILA, Philippines – Ginpirmahan ni Labor Secretary Francis Tolentino ang Administrative Order “AO”, No. 264, Series of 2026 nga magapalig-on sang pagsunod sa wage order sa Pilipinas.
Sa ginpirmahan nga AO No. 264, Series of 2026 ini ginalauman nga magahatag sang guidelines sa mga Regional Offices sang Department of Labor and Employment “DOLE”, kag Regional Tripartite Wages and Productivity Boards “RTWPBs”, may kaangtanan sa pagsunod sa wage orders suno sa Articles 122, 123, 124, 126, kag 128 sang Labor Code of the Philippines.
Lakip sa tinutuyo sang amo nga tikang nga mabaton sang nagapangabudlay ang ginmando nga pagpasaka sang suweldo, samtang ginahatagan man sang suporta ang negosyo nga sakop sang wage orders, suno sa DOLE.
Suno sa DOLE, ang gin-aprobahan nga wage order mangin epektibo kag ipatuman ini sa masulod sang 15 bilang calendar days.
Dugang pa, ginmanduan man ang National Wages and Productivity Commission ukon NWPC kag RTWPBs nga magpadayon sa pagmonitor sang implementasyon kag pagsunod sa mga wage order sa ila tagsa-tagsa ka jurisdiction pinaagi sa labor inspectorate system.
Sa amo nga tikang, ginapahibalo sang DOLE nga mapalig-on ang pagpatuman sang wage order kag masiguro nga makuha sang kwalipikado nga empleyado.
